ABŞ Prezidenti Donald Trampın administrasiyası Serbiya və bəzi digər Balkan ölkələrinə ABŞ-dən deportasiya edilən qeyri-qanuni miqrantları qəbul etməyi təklif edib.
Oxu.Az xəbər verir ki, bu barədə "Bloomberg" mənbələrə istinadən məlumat yayıb.
Qeyd olunur ki, Vaşinqton ABŞ hakimiyyəti tərəfindən qovulmuş qeyri-qanuni miqrantları qəbul etməyə hazır olan xarici hökumətləri tapmaq strategiyasının həyata keçirilməsi çərçivəsində region ölkələrinə sorğular göndərir. Agentliyin mənbələrindən biri bildirib ki, bununla bağlı Dövlət Departamentinə tapşırıq verilib. Bildirilir ki, açıqlanmayan danışıqlar nəticəsində hər hansı razılaşmanın əldə edilib-edilmədiyi hələ aydın deyil.
