Rusiya Təhlükəsizlik və Korrupsiyaya Qarşı Mübarizə üzrə Federal Layihəsinin rəhbəri Vitali Borodin müğənni Alla Puqaçovanı Rusiyaya dəvət edib.
Oxu.Az-ın xəbərinə görə, bu barədə müraciəti o, şəxsi "Telegram" kanalında yerləşdirib.
"Alla Borisovna birbaşa hava limanından istintaq orqanlarına getməli və dostu tərəfindən təşkil edilmiş mənə qarşı sui-qəsd cəhdi ilə bağlı izahat verməlidir", - deyə o bildirib.
"Səbirsizliklə gözləyirik, gəlin!" - deyə o, sənətçiyə müraciət edib.
Qeyd edək ki, mart ayında Borodin Puqaçovanı sui-qəsd hazırlamaqda ittiham edib. Onun fikrincə, buna səbəb onun müğənninin titullarından və dövlət mükafatlarından məhrum edilməsi, habelə ona xarici agent statusunun verilməsi və cinayət məsuliyyətinə cəlb edilməsi ilə bağlı təşəbbüsü ola bilərdi.
