HƏMAS daha bir israilli girovu Beynəlxalq Qızıl Xaç Komitəsinə təhvil verdi

Fələstinin HƏMAS hərəkatı həmçinin ABŞ vətəndaşlığına malik olan israilli girov Kit Siqalı da Beynəlxalq Qızıl Xaç Komitəsinə təhvil verib.

Oxu.Az-ın xəbərinə görə, girovun buraxılması proseduru "Əl-Cəzirə" telekanalı tərəfindən yayımlanıb.

Nümayiş olunan kadrlarda Siqalın Qəzza şəhərindəki limanda həkimlərə təhvil verildiyi əks olunub.

Beynəlxalq Qızıl Xaç Komitəsinin avtomobilləri hazırda şəhəri tərk edərək girovu hərbçilərə təhvil vermək üçün İsrail Müdafiə Qüvvələrinin dislokasiya yerlərinə doğru hərəkət edirlər.

HƏMAS daha bir israilli girovu Beynəlxalq Qızıl Xaç Komitəsinə təhvil verdi

11:52

Qəzzada azad edilən iki israilli - Yarden Bibas və Ofer Kalderon Qızıl Xaç Cəmiyyətinə təhvil verilib və İsrail hərbçilərinin olduğu mövqelərə doğru yola düşüb.

Oxu.Az-ın xəbərinə görə, bu barədə İsrail Müdafiə Qüvvələrinin (IDF-SAXAL) Mətbuat Xidmətindən məlumat verilib.

"Qızıl Xaç Cəmiyyətinin verdiyi məlumata görə, iki girov öz nümayəndələrinə təhvil verilib və onlar Qəzza zolağında IDF qüvvələrinə doğru gedirlər", - deyə məlumatda bildirilib.

Yarden Bibasın həyat yoldaşı və uşaqları - Şiri, Ariel və Kfirin taleyi ilə bağlı yekun rəsmi məlumat dərc edilməyib.

Oferin anası oğlunun yaxşı göründüyünü deyib.