Böyük Britaniyanın xarici işlər naziri Devid Lemmi ABŞ-nin Vitse-prezidenti Ceyms Devid Venslə birgə lisenziyasız balıq ovladığına görə qanun pozuntusu barədə Ətraf Mühit Agentliyinə məlumat verib.
Oxu.Az xəbər verir ki, bu barədə Böyük Britaniya Xarici İşlər Nazirliyi məlumat verərək hadisəni inzibati xəta adlandırıb.
Qeyd olunub ki, avqustun 8-də Vens ailəsi ilə birlikdə Böyük Britaniyaya tətilə gəlib və ilk günləri ingiltərəli nazirin Londonun cənubunda yerləşən iqamətgahında keçirib. Orada siyasətçilər balıq tutub, sonra onları yenidən gölə buraxıblar.
Ətraf Mühit Agentliyi məsələnin artıq həll olunduğunu bildirib. "Biz başa düşürük ki, lazımi lisenziyalar sonradan alınıb", - qurumdan bildirilib.
