Çinli həkimlər avqustun 24-dən 30-dək ölkənin cənubundakı Quandun əyalətində çikunqunya virusuna 225 yeni yoluxma halı aşkarlayıblar.
Oxu.Az xəbər verir ki, bu barədə Çinin Xəstəliklərə Nəzarət və Profilaktika üzrə Regional Mərkəzi məlumat yayıb.
Bildirilir ki, Foşanda 119, Quançjouda 49, Şençjendə 16 yoluxma halı qeydə alınıb, qalanları isə əyalətin digər şəhərlərində aşkar edilib. Yoluxanlar xəstəliyi yüngül formada keçirirlər.
Qeyd edək ki, çikunqunya virusu iyulun əvvəlində, Quandun əyalətində ağcaqanadların çoxalmasına şərait yaradan isti və rütubətli havaya görə yayılmağa başlayıb. Çinin cənubunda aşkarlanan qızdırma hallarının ümumi sayı 10 minə yaxındır.
