Türkiyədə barəsində açılan cinayət işi əlaqədar vəzifəsindən kənarlaşdırılan İstanbul Böyükşəhər Bələdiyyəsinin keçmiş sədri Ekrem İmamoğlunun hakim qarşına çıxarılacağı tarix məlum olub.
Oxu.Az bu barədə Türkiyə KİV-ə istinadən məlumat yayıb.
Belə ki, məhkəmə iclası sentyabrın 11-də İstanbul 59-cu birinci instansiya məhkəməsində baş tutacaq.
Xatırladaq ki, Türkiyədə İstanbul Böyükşəhər Bələdiyyəsinə (İBB) qarşı aparılan korrupsiya istintaqı çərçivəsində vəzifəsindən uzaqlaşdırılan və həbsdə saxlanılan Ekrem İmamoğlu barəsində saxta diplomla bağlı iddianamə tamamlanıb. Prokurorluq İmamoğluna qarşı 8 il 9 ay həbs cəzası və siyasi fəaliyyətlə məşğul olmaq qadağası tələb edib.
