RWB rəhbəri Tatyana Kim "Wildberries"in baş direktoru vəzifəsindən gedib.
Oxu.Az verir ki, bu barədə "İzvestiya"nın əldə etdiyi sənədlərdə qeyd olunub.
Məlumata əsasən, Kim artıq digər şirkətlərə də rəhbərlik etmir. Bununla yanaşı, Vahid Dövlət Hüquqi Şəxslər Reyestrinin (EGRUL) məlumatlarından görünür ki, Kimin əvəzinə Aleksey Qulikov "Wildberries"in baş direktoru təyin edilib.
Qulikov, həmçinin "Diciko" reklam agentliyinin və "VB İnjinirinq" şirkətinin baş direktoru postunu tutur.
Fransanın xarici işlər naziri Jan-Noel Barro noyabrın 16-da XİN başçıları səviyyəsində keçirilən Avropa İttifaqı (Aİ) şurasının görüşündə bildirib ki, Aİ Tatyana Kimə qarşı sanksiyaların tətbiqi barədə qərar qəbul edib.
Qeyd edək ki, "Wildberries" Rusiyanın ən böyük marketpleysidir. 2024-cü ilin iyun ayında "Wildberries" xarici reklam operatoru olan "Russ" ilə birləşdiyini elan edib. Həmin ilin iyul ayında tərəflər birgə RWB müəssisəsini yaradıblar. Burada payların 65%-i "Wildberries" MMC-yə, 35%-i isə benefisiarları "Russ" Şirkətlər Qrupunun sahibləri olan qardaşlar Levan və Robert Mirzoyanlar olan "Stinn" MMC-yə keçib. 2025-ci ildə RWB-nin Rusiyadakı dövriyyəsi illik müqayisədə 49% artaraq 6.1 trilyon rubla çatıb. Şirkətin xalis mənfəəti isə ötən illə müqayisədə 68% yüksələrək 175 milyard rubl təşkil edib.