Avropanın ən hündür zirvəsi hesab edilən Elbrus dağında (5 642 metr) bədbəxt hadisə qeydə alınıb. Zirvəyə doğru irəliləyən alpinist 5 100 metr yüksəklikdən aşağı düşərək həyatını itirib.
Oxu.Az "112" "Telegram" kanalına istinadən xəbər verir ki, alpinist ölümcül yıxılma anında zirvəyə çox yaxın məsafədə olub.
Ölən şəxsin rəsmi qeydiyyatdan keçməsi barədə heç bir məlumat yoxdur. Xilasetmə qrupları meyitin axtarışı məqsədilə dağa çıxmağa hazırlaşırlar.
Hazırda dağ ərazisindəki kanat yollarının fəaliyyəti dayandırılıb. Aidiyyəti mütəxəssislər baş vermiş hadisənin bütün detallarını araşdırırlar.
Qaynar xətt:
(055) 224 12 12
