"Mən bildiriş aldım, lakin açarları qəbul etmirəm və təhvil də vermirəm. Mən arxiyepiskop Arşakdan məktub aldım, cavab verdim və indi onun cavabını gözləyirəm. Aldıq, qəbul etmirik və heç bir şey etmək məcburiyyətində deyilik".
Oxu.Az-ın Ermənistan KİV-ə istinadən xəbərinə görə, bu sözləri Ovannavankın titulundan məhrum olmuş keşişi Aram ata (indiki sadə adam Stepan Asatryan) Eçmiədzindən gələn keşişlərə deyib.
Əlində məktub tutan din xadimlərindən biri qeyd edib ki, keşiş kilsənin açarlarını saat 15:00-da təhvil verməli idi.
"Bir keşiş olaraq, siz artıq bir keşişin olması zəruri yerlərdə, yəni minbərdə, həyətdə, sinif otaqlarında, ibadətgahda ola bilməzsiniz", - deyə o bildirib.
Stepan Asatryan (Aram ata) əvvəlcə bu qərara kimin göstəriş verdiyini soruşub, sonra məktubu qəbul etmədiyini təkrarlayıb.
"Onu kim vermiş olsa da, götür və onlara ver. Mən bu struktura hörmət etmirəm, bu məktubu kimin göndərməsindən asılı olmayaraq. Əgər sözünü bitirmisinizsə, buradan gedin", - deyə o qeyd edib.
KİV-in onun kilsəyə müharibə elan edib-etmədiyi sualına isə belə cavab verib.
"Bəs erməni kilsəsi Allaha müharibə elan edirmi? Katolikosun arvadı və övladları ola bilməz. Məndə fotoşəkillər var, harada yaşadığını bilirəm. Katolikos nikahda həyat sürə bilməz. Katolikos evlidir və onun uşaqları var. Devrilmiş katolikos məni devirə bilməz", - deyə o cavabında bildirib.
Daha sonra o, kilsəyə girib və qapını arxadan bağlanıb.
