Fransanın Villeurban şəhərində məscidə daxil olaraq Qurani-Kərimi yandıran şəxs saxlanılıb.
Oxu.Az xəbər verir ki, bu barədə DHA agentliyi məlumat yayıb.
Qeyd olunur ki, hadisədən dərhal sonra adı açıqlanmayan şəxs məscidi tərk edib. Onun bir neçə saat sonra Lion şəhəri yaxınlığında saxlanıldığı bildirilir.
Lion Prokurorluğundan verilən ilkin açıqlamada şübhəlinin psixoloji problemlərinin olduğu bildirilib. Hələlik hadisənin digər təfərrüatı məlum deyil.
