"Haber Global": Makron yeni Napoleon olmaq istəyir?

Tramp öz açıqlamaları ilə yeni dünya nizamını formalaşdırmaqda israrlı olduğunu bildirir.

Oxu.Az xəbər verir ki, bu barədə Türkiyənin "Haber Global" telekanalında keçirilən siyasi müzakirələr zamanı bəhs edilib.

Qeyd edilib ki, ABŞ gec də olsa Şimal qütbünün əhəmiyyətini anlayıb. Buna qlobal istiləşmə nəticəsində buzlaqların əriməsi və yeni torpaqların üzə çıxması səbəb olub.

Ekspertlər ABŞ-nin Qrenlandiyanı ələ keçirmək niyyətinin ciddi olduğunu vurğulayaraq, Fransanın adaya qoşun göndərməsi barədə fikirləri gülünc adlandırıblar.

Bildirilib ki, əgər Fransanın gücü çatırsa, ilk növbədə Avropanı daha ciddi təhdid olan Rusiyadan qorusun. Ukraynaya qoşun göndərə bilməyən Parisin Qrenlandiyanı ABŞ-dən qoruması sadəcə Makronun Napoleon olmaq xülyasında irəli gəlir.

Daha ətraflı "Haber Global"ın efirində:

"Haber Global": Makron yeni Napoleon olmaq istəyir?