İran növbəti dəfə İsrailə raketlər atıb.
Oxu.Az xəbər verir ki, bu barədə İsrail ordusunun mətbuat xidməti məlumat yayıb.
"İsrail Müdafiə Qüvvələri (SAXAL) İrandan İsrail ərazisinə doğru atılan raketləri aşkarlayıb. Müdafiə sistemləri təhdidlərin qarşısını almaq üçün çalışır", - açıqlamada deyilir.
İsrail hərbçiləri İrandan raket atışının təxminən bir saat əvvəl qeydə alındığını bildiriblər.
İran dronları İraq Kürdüstanının inzibati mərkəzi Ərbildə yaşayış məntəqəsinə hücum edib. Evlərə və avtomobillərə ziyan dəyib, bir neçə mülki şəxs yaralanıb, ərazidə yanğın baş verib.
Oxu.Az xəbər verir ki, bu barədə "Al Jazeera" məlumat yayıb.
Qeyd olunub ki, hava hücumundan müdafiə sistemləri Ərbildə yaşayış kompleksinə hücum etməyə çalışan iki dronu ələ keçirib.
"Tasnim" agentliyi isə İranın Ərbil hava limanındakı ABŞ hərbi qərargahına "yer-yer" raketləri ilə hücum etdiyini bildirib.
İran İsrailə və bölgədəki ABŞ hərbi bazalarına qarşı dəqiq idarə olunan raketlərdən istifadə edərək əməliyyatın 80-ci dalğasının başladığını elan edib.
Oxu.Az-ın məlumatına görə, bu açıqlamanı İslam İnqilabı Keşikçiləri Korpusu (SEPAH) verib.
Qeyd olunub ki, 80-ci hücum dalğası zamanı əsas hədəflər İsrailin şimalındakı qüvvələrinin toplaşdığı ərazilərdir. SEPAH-ın məlumatına görə, bu ərazilər heç bir məhdudiyyət olmadan kütləvi raket və dron hücumlarına məruz qalacaq. SEPAH Təl-Əviv, Kiryat Şmon və Fars körfəzindəki ABŞ-nin dörd hərbi bazasının əsas hədəflər olduğunu bildirib.
Xəbərə görə, müəyyən edilmiş bütün hədəflərə maye və bərk yanacaqlı raket sistemləri, dəqiq idarə olunan bombalar və döyüş dronları ilə hücum edilib.
