İsrailin İrana hücumu nəticəsində onlarla insan ölüb, yüzlərlə yaralı var

İsrailin Tehranın yaşayış məntəqələrinə hücumları zamanı 78 nəfər həlak olub, daha 329 nəfər xəsarət alıb.

Oxu.Az-ın məlumatına görə, bu barədə "Fars" agentliyi xəbər verib.

14:40

İsrailin son raket hücumu nəticəsində İranın müxtəlif bölgələrində ümumilikdə 95 nəfər xəstəxanaya yerləşdirilib.

Oxu.Az xəbər verir ki, bu barədə İran Qızıl Aypara Cəmiyyətinin sözçüsü Möctəba Xəlidi məlumat verib.

Onun sözlərinə görə, xilasetmə əməliyyatları zamanı Şərqi Azərbaycan vilayətində bir xilasedici həlak olub, Qəsre-Şirin şəhərində isə digər bir xilasedici yaralanıb.

Xəlidi qeyd edib ki, ümumilikdə 12 vilayətdə aparılan təxliyə və yardım işlərinə 140 operativ qrup və təxminən 700 könüllü cəlb olunub.

Hazırda bölgələrdə axtarış-xilasetmə tədbirləri davam etdirilir.

08:37

İsrailin İrana hücumu nəticəsində azı beş nəfər mülki şəxs ölüb, 20 nəfər yaralanıb.

Oxu.Az xəbər verir ki, bu barədə "NourNews" agentliyi məlumat yayıb.

Qeyd olunur ki, həyatını itirən şəxslər Tehranda zədələnmiş binanın dağıntıları altından çıxarılıblar.

İran mətbuatı İsrailin paytaxt Tehranda bir neçə binanı hədəfə aldığını yazıb.

"Press TV" İsrailin hücumu nəticəsində ölən və xəsarət alanlar arasında qadın və uşaqların olduğunu bildirir.