İsrail Qəzzada hərbi əməliyyatları genişləndirmək istəyir

Fələstinin radikal HƏMAS hərəkatı anklavda saxlanılan girovları azad etməkdən imtina edərsə, İsrail ordusu Qəzza zolağında hərbi əməliyyatının əhatə dairəsini genişləndirəcək.

Oxu.Az xəbər verir ki, bu barədə müdafiə naziri İsrael Kats məlumat verib.

"İsrailin Qəzzada İsrail Müdafiə Ordusunun komandanlığı tərəfindən siyasi rəhbərliyin dəstəyi ilə həyata keçirdiyi siyasət aydın və birmənalıdır: ilk növbədə (ABŞ prezidentinin xüsusi elçisi Stiven) Uitkoffun planı çərçivəsində girovları azad etmək və gələcəkdə HƏMAS-ın məğlubiyyətinə şərait yaratmaq üçün bütün tədbirləri görmək. Əgər HƏMAS (müqavilədən) imtina etməkdə israrlı olsa, İsrail ordusunun əməliyyatları genişlənəcək və yeni mərhələlərə keçəcək", - Kats "X" sosial şəbəkəsindəki hesabında yazıb.