Dünən Ankarada Türkiyə Prezidenti Rəcəb Tayyib Ərdoğan ilə görüşən Papa XIV Leo Nikea (İznik) toplantısının 1700 illik ildönümü münasibətilə İzniki ziyarət edib.
Oxu.Az-ın "CNN Türk"ə istinadən xəbərinə görə, Papa İznikə helikopterlə gəlib.
Papa Nikea toplantısının 1700-cü ildönümünə həsr olunmuş ayində iştirak edəcək.
Roma Papası XIV Leo Papa İstanbul səfəri davam edir.
Oxu.Az-ın İHA-dan verdiyi məlumata görə, İstanbul səfərinin ikinci günündə Vatikan Prezidenti və Katolik Kilsəsinin ruhani lideri Papa XIV Leo Feriköy rayonunda yerləşən və yoxsullara xidmət göstərən Fransa Fakirhanesini ziyarət edib.
İlk beynəlxalq səfərini Türkiyəyə edən Katolik dünyasının ruhani lideri, Roma Papası XIV Leo Ankara səfərindən sonra İstanbula gedib.
Bu barədə Oxu.Az "Haber Global"a istinadən xəbər verir.
Məlumata görə, Ankaradakı görüşlərin ardınca İstanbula gedən Papa XIV Leonun burada ilk dayanacağı Şişli rayonundakı Müqəddəs Esprit Katedralı (Müqəddəs Ruh Katedralı) olub. Papa gecəni katedralda keçirib. Onun gəlişindən əvvəl ərazidə ciddi təhlükəsizlik tədbirləri görülüb.
Papa XIV Leonu görmək istəyən vətəndaşlar səhər saatlarından etibarən katedralın qarşısında gözləməyə başlayıblar. Çiçəklərlə qarşılanan Papa içəri girməzdən əvvəl onu izləyənlərə əl edib.
