Rusiyada güclü zəlzələ oldu

Rusiyanın Kamçatka bölgəsində 7 bal gücündə zəlzələ baş verib.

Oxu.Az-ın TASS-a istinadən verdiyi xəbərə görə, bu barədə Rusiya Elmlər Akademiyasının Geofizika Xidmətinin Kamçatka bölməsi məlumat yayıb.

Məlumata görə, yeraltı təkanlar ətraf ərazilərdə 6 bal gücündə hiss edilib.

Yeraltı təkanlar səbəbindən rayon sakinləri evlərini tərk ediblər. Bir çox evlərdə seysmik hadisə nəticəsində mebellər aşıb, qab-qacaq qırılıb.

Rusiya Elmlər Akademiyasının Geofizika xidmətinin Kamçatka bölməsinin məlumatına görə, yeraltı təkanlardan az əvvəl Şiveluç vulkanı püskürməyə başlayıb.