İspaniyanın Seuta şəhərində yaşanan miqrant böhranı İtaliyanın Baş naziri Corcia Meloni və Fransanın Milli Birlik Partiyasının parlament fraksiyasının rəhbəri Marin Le Penin siyasi mövqelərinin möhkəmlənməsinə kömək edəcək.
Oxu.Az xəbər verir ki, bu barədə Böyük Britaniyanın "The Spectator" həftəlik jurnalı məlumat yayıb.
Nəşr vurğulayır ki, Meloni Seutada baş verən "sərhəd yarılmasından" ən yüksək səviyyədə yararlanır. İtaliyada növbəti parlament seçkisinin 2027-ci ildə baş tutacağını nəzərə alan hökumət rəhbəri, İspaniyadakı mövcud vəziyyətin onun mövqeyini rəqiblərinə nisbətən daha da gücləndirəcəyini yaxşı anlayır. Jurnalın məqaləsində qeyd olunur ki, o, özünü Avropada sərhəd nəzarəti üzrə ən qətiyyətli lider kimi mövqeləndirir.
Marin Le Pen isə Seutada cərəyan edən miqrasiya problemi fonunda Fransa sərhədlərində yoxlamaların daha da sərtləşdirilməsinin vacibliyini önə çəkir. O bildirib ki, əgər 2027-ci il seçkisində ölkə prezidenti seçilərsə, Şengen məkanında sərbəst hərəkət etmək hüququnu sadəcə olaraq Avropa İttifaqı vətəndaşları üçün təmin etməklə bu xaosu dayandırmaq fikrindədir.
"The Spectator" yazır ki, keçirilən rəy sorğuları iştirakçıların əksəriyyətinin Le Penin bu yanaşmasını müdafiə etdiyini göstərir.
