Kolumbiyanın silahlı qüvvələri çərşənbə axşamı Milli Azadlıq Ordusu (ELN) partizan qruplaşması tərəfindən qaçırılan 39 nəfəri azad ediblər.
Oxu.Az xəbər verir ki, bu barədə "Sinxua" agentliyi məlumat yayıb.
Bildirilib ki, mülki vətəndaşlar iki avtobusla hərəkət edərkən qruplaşma üzvləri tərəfindən Çoko departamentinin Medellin şəhərində girov götürülüblər.
Ordu rəhbərliyinin bildirdiyinə görə, girovlar həmin günün sonlarında keçirilən hərbi əməliyyat zamanı xilas edilib. Silahlıların partlayıcı qurğunu işə salması nəticəsində iki əsgər həlak olub, daha beş nəfər isə yaralanıb.
Xilas edilən dinc sakinlər helikopter vasitəsilə Çoko departamentinin mərkəzi olan Kibdo şəhərində yerləşən hərbi bazaya təxliyə olunublar.
Qaynar xətt:
(055) 224 12 12
