"Üzərində "SSRİ" yazılmış sviterdə gizli bir məna axtarmağa ehtiyac yoxdur. Hər kəsin vətəni ilə fəxr etmək hüququ var".
Oxu.Az xəbər verir ki, bunu Rusiya xarici işlər naziri Sergey Lavrov Macarıstanın "Ultrahang" kanalına verdiyi müsahibəsində bildirib.
"Hər bir ölkənin tarixə, tarixin bəzi əlamətdar anlarına və ya hansısa hadisəyə həsr olunmuş geyim elementləri var. Sovet İttifaqı mənim vətənimdir. Mən orada anadan olmuşam, gəncliyimdən və orada Xarici İşlər Nazirliyində işləməkdən zövq almışam. Düşünmürəm ki, vətənimizdən utanmalıyıq", - deyə o qeyd edib.
Xatırladaq ki, Lavrov ABŞ Prezidenti Donald Tramp və Rusiya Prezidenti Vladimir Putin arasında keçirilən görüş ərəfəsində Alyaskada məhz sözügedən sviterdə görünüb. Geyimin üzərindəki "SSRİ" yazısı çoxlu söz-söhbətlərə səbəb olub.
