ABŞ-nin Los-Anceles şəhərinin şimalını yeni yanğın dalğası bürüyüb.
Oxu.Az-ın CNN-ə istinadən verdiyi məlumatına görə, ərazidə məcburi təxliyə elan edilib.
Bildirilir ki, yanğın iki saat ərzində 2000 hektardan çox əraziyə yayılıb.
Qeyd olunur ki, yanğın hər 2-3 saniyədə futbol meydançası ölçüsündə sahəni məhv edir - ərazidəki sıx kolluq alovun sürətlə yayılması üçün yanacaq rolunu oynayır.
Xatırladaq ki, Los-Anceles dairəsində təbii fəlakət yanvarın 7-də başlayıb. Hazırda Kaliforniyada meşə yanğınları davam edir.
