Ən son xəbərləri bizim Telegram kanalımızda izləyin

Los-Ancelesdə meşə yanğınlarında ölənlərin sayı artdı
ABŞ-nin Kaliforniya ştatının Los-Anceles bölgəsində davam edən meşə yanğınları nəticəsində ölənlərin sayı 27-yə çatıb.
Bu barədə Oxu.Az "Haber Global"a istinadən xəbər verir.
Məlumata görə, 26 nəfər itkin düşüb, 82 min nəfərə məcburi təxliyə əmri verilib, 90 min nəfər isə təxliyə xəbərdarlığı altındadır.
Los-Anceles Yanğınsöndürmə İdarəsi 23 min hektardan çox əraziyə yayılan və 5 min tikilini məhv edən Poliseyds yanğınının 22 faiz nisbətində nəzarət altına alındığını, 14 min hektardan çox ərazini külə çevirən və 7 min tikilini məhv edən Eaton yanğınının isə 55 faiz nisbətində söndürüldüyünü açıqlayıb.
Səlahiyyətlilər yanğınların 29 824 şagirdin təhsil fəaliyyətinə mənfi təsir göstərdiyini, 33 məktəbin bağlandığı, 10 məktəb şəhərciyinin zərər gördüyünü və ya dağıldığını bildiriblər.
"Kaliforniyada meşə yanğınları" teqi üzrə xəbərlər
- Kaliforniyada meşə yanğınları 25 gündən sonra nəzarət altına alındı
- Kaliforniyadakı meşə yanğınlarında ölənlərin sayı artdı
- Donald Tramp: "Los-Ancelesə sanki "bomba düşüb"
- Kaliforniya meşə yanğınları: Külli miqdarda vəsait ayrıldı
- Los-Ancelesdə yeni yanğınlar: Hər 2-3 saniyədə futbol meydançası ölçüsündə sahə məhv olur
Rəylər