Fransa Prezidenti Emmanuel Makron Oman Sultanı Haysam bin Tariq Al Səidlə rəsmi görüş zamanı yenidən "Henry Jullien" markalı günəş eynəyi ilə ictimaiyyət qarşısına çıxıb.
Oxu.Az BFMTV-yə istinadən xəbər verir ki, telekanalın videoreportajında Makronun qapalı məkanda keçirilən sazişlərin imzalanması mərasimi zamanı da eynəyini çıxarmadığı görünür.
Xatırladaq ki, yanvar ayında Fransa lideri Davosda keçirilən Ümumdünya İqtisadi Forumundakı çıxışı zamanı bir neçə rəsmi tədbirdə "Henry Jullien" brendinə məxsus günəş eynəyi taxmışdı. Həmin vaxt o, gözündə damar çatladığı üçün bu aksessuardan istifadə etməli olmuşdu. Bu hadisə istehsalçı şirkətin saytına marağın kəskin artmasına səbəb olmuşdu.
Qaynar xətt:
(055) 224 12 12
