Rusiya 2024-cü il mayın 12-də Varşavada "Marywilska 44" ticarət mərkəzindəki yanğına görə məsuliyyət daşıyır.
Oxu.Az lenta.ru-ya istinadən xəbər verir ki, ittihamı Polşanın ədliyyə naziri Adam Bodnar və Polşanın daxili işlər naziri Tomaş Simonyak irəli sürüblər.
"Topladığımız sübutlara əsasən, yanğının Rusiya xüsusi xidmət orqanlarının sifarişi ilə baş verdiyini bilirik. Bizim bu barədə ətraflı məlumatımız var", - deyə bəyanatda bildirilir.
Nazirlərin sözlərinə görə, ticarət mərkəzini yandıranların fəaliyyətini Rusiya Federasiyasında yerləşən şəxs təşkil edib. Cinayətkarlardan bəziləri artıq saxlanılıb.
