Baltik dənizinin sahilində aşkar edilmiş "naməlum uçan obyektin" (UNO) Polşaya məxsus pilotsuz uçuş aparatı olduğu müəyyənləşib.
Oxu.Az xəbər verir ki, bu barədə "RMF 24" məlumat yayıb.
Nəşrin məlumatında bildirilir:
"Bu, Quru Qoşunları Texnika İnstitutunun sınaqdan keçirdiyi Polşa dronunun qalıqlarıdır. Cihaz hərbi təlimlərdə istifadə olunub".
Qeyd edilir ki, naməlum aparat tapıldıqdan sonra çimərlik ərazisi polislər tərəfindən mühafizə olunub. Həmin dron hazırda da tapıldığı yerdə qalır və qismən qumun altında basdırılmış vəziyyətdədir.
Polşa çimərliklərinin birində naməlum uçan obyektə aid edilən hissələr aşkar olunub.
Oxu.Az xəbər verir ki, bu barədə ölkənin hərbi jandarm xidməti özünün "X" sosial şəbəkə hesabında məlumat yayıb.
"Qdansk dairə prokurorluğunun hərbi məsələlər üzrə şöbəsinin prokurorunun nəzarəti altında Karvi çimərliyində naməlum uçan obyektin qalıqlarının tapılmasına görə araşdırma aparır", - deyə paylaşımda qeyd olunub.
Aşkar olunan qalıqlarla bağlı müvafiq yoxlamalar aparılır.
"RMF FM" radiostansiyası əlavə edib ki, pilotsuz uçuş aparatına bənzəyən iki metrlik obyekti çimərlikdə gəzən bir turist tapıb. Bununla yanaşı, qalıqların Polşaya məxsus hərbi təyyarəyə aid ola biləcəyi ilə bağlı fərziyyələr də mövcuddur.
