Qananın müdafiə naziri Edvard Omane Boama və ətraf mühit, elm və texnologiya naziri İbrahim Murtala Məhəmməd helikopter qəzası nəticəsində həlak olublar.
Oxu.Az xəbər verir ki, bu barədə "Reuters" agentliyi məlumat yayıb.
Helikopter ölkənin cənubunda Akrofuon şəhəri yaxınlığında qəzaya uğrayıb. O yerə düşdükdən sonra alovlanıb. Ölkənin Baş Qərargah rəisi bildirib ki, iki nazir də daxil olmaqla 4 nəfər həlak olub.
Bildirilir ki, nazirlər, daxil olan əməliyyat məlumatlarına görə, təbii sərvətlərin qanunsuz hasilatının aparıldığı əraziyə gedirdilər.
Hadisə ilə bağlı araşdırmalara başlanılıb.
