"Araz-Naxçıvan"ın "Aris"lə oyunlarını izləmişik, hansı gücə sahib olduqlarını yaxşı bilirik".
Oxu.Az xəbər verir ki, bunu "Omoniya"nın (Kipr) baş məşqçisi Harninq Berq UEFA Konfrans Liqasının III təsnifat mərhələsində "Araz-Naxçıvan"a qarşı keçirəcəkləri ilk oyundan öncə mətbuat konfransında deyib.
Norveçli mütəxəssis sabah çətin oyuna çıxacaqlarını bildirib:
"Araz-Naxçıvan" çox yaxşı komandadır. "Aris"lə oyunlarını izləmişik. Rəqibimizə qarşı ciddi hazırlaşmışıq. Rəqibin heyətində keyfiyyətli futbolçular var. Həmin oyunçular meydanda bir-birilərini çox yaxşı anlayırlar. Hər oyunda favorit hesab olunan komanda var. "Araz-Naxçıvan"ın daha öncəki oyunlarından hansı gücə sahib olduqlarını gördük. "Omoniya" daha öncə Azərbaycan klubları ilə qarşılaşsa da, bu görüşlərdə komandanın başında mən deyildim".
Qeyd edək ki, "Araz-Naxçıvan" - "Omoniya" matçı avqustun 7-də "Dalğa Arena"da, saat 20:00-da start götürəcək. Cavab görüşü bir həftə sonra Nikosiyada təşkil olunacaq.
Anar Həsənov
