Ruhani ABŞ-a 11 sentyabr terror aktını xatırlatdı

İran prezidenti Həsən Ruhani ABŞ-ın BMT-dəki daimi nümayəndəsi Nikki Heylini Əhvaz şəhərində baş verən terror aktı ilə əlaqədar söylədiyi fikirləri tənqid edib. 

Oxu.Az xəbər verir ki, o, fikirlərini “Twitter” hesabında yazıb. 

A US official has recently said terrible things about Ahvaz terrorist attack and held Iranian gov. responsible for that attack! What would Americans think if we were to say such a thing about the 9/11 terrorist attacks?

— Hassan Rouhani (@HassanRouhani) 24 September 2018

“Amerikalı məmur Əhvazda baş verən terror aktı ilə bağlı dəhşətli sözlər dedi və məsuliyyəti İran hökumətinin üzərinə atdı. Biz 11 sentyabr haqqında eyni sözləri desəydik, amerikalılar nə düşünərdi?” - Ruhani bildirib. 

Sentyabrın 22-də Əhvaz şəhərində keçirilən hərbi parad zamanı naməlum şəxslərin ətrafdakılara atəş açması nəticəsində 25 nəfər ölüb. İran XİN rəhbəri hadisəyə görə məsuliyyəti regiondakı terrorçulara sponsorluq edənlərin və onların amerikalı müttəfiqlərinin üzərinə atıb. 

www.oxu.az

Oxu.Az yeniləndi!

ANDROID əməliyyat sistemli smartfonlar

iOS əməliyyat sistemli smartfonlar