Si Cinpin: "Rüsum müharibələrində qalib yoxdur"

"Rüsum müharibələrində qaliblər olmur, dünyaya qarşı çıxmaq özünü təcrid etmək deməkdir".

Oxu.Az-ın Çin Mərkəzi Televiziyasına (CCTV) istinadən xəbərinə görə, bu sözləri Çin Xalq Respublikasının sədri Si Cinpin İspaniyanın Baş naziri Pedro Sançeslə görüşü zamanı deyib.

Si Cinpinin sözlərinə görə, son 70 ildə ölkənin inkişafı müstəqillik və gərgin əmək üzərində qurulub. O, heç vaxt kiminsə lütfünə arxalanmayıb və əsassız təzyiqdən qorxmayıb.

Si Cinpin əmin olduğunu bildirib ki, Çin tərəfi əminliyini, təmkinini qoruyub saxlayacaq və diqqətini öz işini layiqincə yerinə yetirməyə yönəldəcək.