"Rusiya Federasiyasının Kamçatka yarımadasında baş verən zəlzələnin enerjisi Xirosimaya atılan atom bombasının enerjisindən 11 min dəfə çoxdur".
Oxu.Az "Tgrthaber"ə istinadən xəbər verir ki, bu sözləri türkiyəli geologiya mühəndisi, professor Okan Tüysüz deyib.
O.Tüysüz əlavə edib ki, Kamçatka yarımadasının sahillərində baş verən 8.7 bal gücündə zəlzələ Sakit Okeanın ən həssas ocağında meydana gəlib.
"Bu zonada dünyanın ən böyük zəlzələləri və sunamiləri meydana gəlir", - deyə mütəxəssis qeyd edib.
Xatırladaq ki, bu gün səhər saatlarında Rusiya Federasiyasının Kamçatka yarımadasında son onilliyin ən güclü zəlzələlərindən biri qeydə alınıb. Təbii fəlakət yalnız regionda deyil, Yaponiyada, Alyaskada və Havay adalarında da sunami təhlükəsinə səbəb olub.
