Avropa İttifaqı (Aİ) əsas diqqəti demokratiyanın təşviqi layihələrinə yönəldərək, üçüncü dünya ölkələrində ABŞ-nin Beynəlxalq İnkişaf Agentliyinin (USAID) yerini qismən də olsa tutmaq niyyətindədir.
Oxu.Az TASS-a istinadən xəbər verir ki, bunu Aİ-nin İnkişaf Məsələləri Şurasının iclasında diplomatik xidmətin rəhbəri Kaya Kallas bildirib.
"Nazirlər USAID-in inkişafa yardım layihələrindən çıxmasının nəticələrini və hansı məsələlərdə Aİ-nin onu əvəz edə biləcəyini müzakirə edəcəklər", - deyə Kallas bildirib.
Xatırladaq ki, fevralın 3-də Vaşinqton beynəlxalq təşkilatların maliyyələşdirilməsinə xeyli miqdarda vəsait ayıran USAID-in fəaliyyətini faktiki olaraq dayandırıb. Martın 10-da USAID-in müvəqqəti rəhbəri təyin edilmiş dövlət katibi Marko Rubio hökumətin araşdırmadan sonra agentliyin proqramlarının 83%-ini dayandırdığını elan edib.
