Ukraynalı iş adamı Vadim Yermolayev ona qarşı sui-qəsd hazırlandığını bilmədiyini bildirib.
Oxu.Az xəbər verir ki, biznesmen bu barədə "Nice-Matin" nəşrinə müsahibəsində danışıb.
* Monakoda ukraynalı oliqarxa qarşı sui-qəsd cəhdinin ANBAAN GÖRÜNTÜLƏRİ yayıldı
"Bu hücumdan əvvəl həyatımın, xüsusən də Monako kimi bir yerdə təhlükədə ola biləcəyini düşünmək üçün heç bir əsasım yox idi", - deyə sahibkar bildirib.
Yermolayev sui-qəsdin Monakoda baş verməsinə baxmayaraq, knyazlıqda yaşamağa davam edəcəyini qeyd edib. O, həmçinin bildirib ki, istintaq başa çatana qədər həyatı üçün risklərin tamamilə aradan qalxdığını qəti şəkildə demək mümkün deyil.
Məlumata görə, biznesmenə qarşı sui-qəsd iyunun 29-da axşam saatlarında baş verib. Onun yaşadığı evdə bomba partlayıb. Hadisə nəticəsində Yermolayevin özü, tanışı Anna Nasobina və 13 yaşlı oğlu yaralanıblar.
İyulun 6-da Kiyev yaxınlığında hücumun ehtimal olunan icraçısı Anastasiya Berezovskayanın meyiti aşkarlanıb. KİV-in məlumatına görə, qadın iyulun 1-də Ukraynaya qayıdıb.
