Rusiya Daxili İşlər Nazirliyi Ukraynanın "Mirotvorets" saytının yaradıcısı Qeorgi Tukanı axtarışa verib.
Oxu.Az-ın TASS-a istinadən xəbərinə görə, bu, nazirliyin axtarışa verilənlər bazasında əks olunub.
"Cinayət Məcəlləsi ilə axtarışdadır", - deyə bazada bildirilib.
Məhz hansı maddə üzrə axtarış aparıldığı isə göstərilmir.
Hüquq-mühafizə orqanlarından TASS-a verilən məlumata görə, Qeorgi Tuka Rusiyada terrorizm maddəsi üzrə açılmış cinayət işi çərçivəsində axtarışa verilmiş ola bilər.
Qeyd edək ki, 2014-cü ildən tərtib olunan "Mirotvorets" saytı Ukraynanın milli təhlükəsizliyini təhdid etdiyi iddia olunan insanlar haqqında məlumatları dərc edir.
Qaynar xətt:
(055) 224 12 12
