"Dünya 80 ilin ən böyük qlobal ticarət böhranına şahid olub və buna şübhə yoxdur".
Oxu.Az TASS-a istinadən xəbər verir ki, bunu Ümumdünya Ticarət Təşkilatının (ÜTT) baş direktoru Nqozi Okonco-İveala bildirib.
ÜTT rəhbəri Davos forumunda müzakirələr zamanı qlobal ticarət sisteminin dayanıqlığına da diqqət çəkib:
"Ticarət sisteminin 72%-i hələ də ÜTT qaydaları çərçivəsində fəaliyyət göstərir. Sistem olduqca möhkəmdir və onu pozmaq üçün çox səy tələb olunacaq. Bəs bu onun problemsiz olması deməkdirmi? Qətiyyən, yox".
Mövcud siyasi mühiti nəzərə alaraq, o, iş adamlarını və siyasətçiləri soyuqqanlı olmağa və prosesə dərhal reaksiya verməməyə çağırıb.
