Venesuela BMT Təhlükəsizlik Şurasından ABŞ-nin davam edən təhdidlərinə cavab olaraq təcili iclas keçirilməsini istəyib.
Oxu.Az xəbər verir ki, bu barədə Venesuela Xarici İşlər Nazirliyinə (XİN) istinadən "The New York Times" məlumat yayıb.
"ABŞ prezidenti milli suverenliyimizi, ölkənin ərazi bütövlüyünü, siyasi müstəqilliyimizi bütün dünyanın gözü qarşısında pozur", - deyə XİN-dən BMT-yə göndərilən məktubda bildirilib.
Rəsmi Karakas ABŞ-ni beynəlxalq hüququ və BMT Nizamnaməsini pozmaqda ittiham edib. Məktubda Vaşinqtonun aqressiyasının "beynəlxalq münasibətlərə xaos və dağıntı gətirdiyi" vurğulanır.
