Yeni Zelandiya polisi altı gün əvvəl Oklenddə yerləşən zərgərlik mağazasında müştəri tərəfindən udulmuş yumurta formasındakı bahalı "Faberje" ("Faberge") kulonunu qaytarmağa müvəffəq olduqlarını bəyan edib.
Oxu.Az-ın xəbərinə görə, bu barədə "Associated Press" nəşri məlumat verib.
Hüquq-mühafizə orqanları əməkdaşları iddia edirlər ki, kulon tibbi müdaxilə olmadan şübhəlinin mədə-bağırsaq traktından təbii şəkildə çıxıb.
Xatırladaq ki, adı açıqlanmayan 32 yaşlı kişi oğurluq barədə məlumat verildikdən qısa müddət sonra həbs edilmişdi. O vaxtdan bəri polis onu 24 saat nəzarət altında saxlayırdı.
Yumurta formasındakı "Faberje" kulonu "Səkkizayaqlı" filmindəki epizoddan ilhamlanaraq, məhdud sayda, cəmi 50 ədəd buraxılıb. Filmdə zərgərlik qaçaqmalçılığı əməliyyatında yumurta formasında saxta "Faberje" kulonunda istifadə edilir.
Mağazanın veb-saytında bildirilir ki, "yumurta" qızıldan hazırlanıb, yaşıl emal ilə örtülüb və 183 brilyant və iki sapfir ilə bəzədilib. Yumurtanın içərisində gözləri qara brilyantdan olan 18 karatlıq qızıl səkkizayaqlı ilbiz fiquru var. Polis tərəfindən yayımlanan və dərc üçün elə də uyğun olmayan fotoşəkildə hətta kulonun üzərindəki qiymət kağızı da görünür: orada 33 000 Yeni Zelandiya dolları (32 000 manat) yazılıb.
