"Rosfinmonitorinq" (Rusiya Federal Maliyyə Monitorinq Xidməti) fevralda dünyasını dəyişən rusiyalı müxalif siyasətçi Aleksey Navalnının dul arvadı Yuliyanı terrorçu və ekstremistlər siyahısına əlavə edib.
Oxu.Az xəbər verir ki, bu barədə idarənin saytında məlumat verilib.
İyulun 9-da Moskvanın Basmannı rayon məhkəməsi Navalnayanı ekstremist təşkilatda iştirak ittihamı ilə qiyabi həbs edib və axtarışa verib.
Daha əvvəl bildirilmişdi ki, "Sota" nəşrinin jurnalisti Artem Kriger (Rusiya Federasiyasında xarici agent kimi tanınır) ekstremist təşkilatda iştirakda şübhəli bilinərək həbs edilib. İş materiallarına görə, Kriger "Korrupsiyaya Qarşı Mübarizə Fondu" (Rusiya Federasiyasında ekstremist kimi tanınıb və qadağan olunub) qeyri-kommersiya təşkilatı ilə əməkdaşlıq edib. Bundan əlavə, Sota Vision fotoqrafı (Rusiya Federasiyasında xarici agent kimi tanınır) Antonina Favorskaya (Kravtsova) FBK-nın fəaliyyətində iştirak etməkdə ittiham olunur. O da həbs edilib.
Navalnının üç vəkili - Vadim Kobzev, Aleksey Liptser və İqor Serqunin də ekstremist təşkilatda iştiraka görə mühakimə olunur.
