Zaxarova: "Paşinyanın KTMT təhlükəsi ilə bağlı sözləri sağlam düşüncəyə ziddir"

"Ermənistanın baş naziri Nikol Paşinyanın Kollektiv Təhlükəsizlik Müqaviləsi Təşkilatının (KTMT) respublikanın suverenliyinə təhlükə olması ilə bağlı bəyanatları sağlam düşüncəyə ziddir".

Oxu.Az TASS-a istinadən xəbər verir ki, bu barədə jurnalistlərə Rusiya Xarici İşlər Nazirliyinin rəsmi nümayəndəsi Mariya Zaxarova məlumat verib.

"Mənə elə gəlir ki, belə bəyanatlar sağlam düşüncə və reallıqla ziddiyyət təşkil edir. Çünki əgər təşkilat İrəvanı, xüsusən də onun milli təhlükəsizliyini təhdid edirsə, o zaman Ermənistanın hələ də KTMT-də olmasının nə mənası var? Əgər onlar KTMT-də qalırlarsa, deməli, bunda bir növ məqsədəuyğunluq görürlər" , - diplomat IV Avrasiya Qadınlar Forumunun pərdəarxasında deyib.