29 
Fev
2024
20:04
17
37
711
Virtual karabakh

Azərbaycan Aİ ilə investisiyaların prioritetləşdirilməsini müzakirə edib - FOTO

29 Fev, 2024
20:04
711

Azərbaycan Aİ ilə investisiyaların prioritetləşdirilməsini müzakirə edib - FOTO

Bizim WhatsApp kanalımıza buradan abunə ola bilərsiniz

Bu gün Bakıda keçirilən Avropa İttifaqı (Aİ) investisiyalarının müəyyən edilməsi və prioritetləşdirilməsi üçün yaradılan yüksək səviyyəli İşçi Qrupunun 2-ci iclasında gələcək fəaliyyətlərə dair müzakirələr aparılıb.

Bu barədə İqtisadiyyat Nazirliyi məlumat yayıb.

Məlumata görə, iclasda iqtisadiyyat nazirinin birinci müavini Elnur Əliyev, Avropa Komissiyasının Şərq Qonşuluğu və İnstitusional Quruculuq üzrə direktoru Adrienn Kirali, Aİ-nin Azərbaycandakı Nümayəndəliyinin rəhbəri Peter Mixalko, xarici işlər və maliyyə nazirliklərinin, Avropa Yenidənqurma və İnkişaf Bankının, Avropa İnvestisiya Bankının nümayəndələri iştirak ediblər.

Tədbirdə Azərbaycanın beynəlxalq maliyyə institutları və Avropa İttifaqı ilə tərəfdaşlığa verdiyi diqqətə çatdırılıb.

Bildirilib ki, Azərbaycanın 2030-cu ilədək sosial-iqtisadi inkişafına dair milli prioritetləri üzrə tədbirlərin həyata keçirilməsi, xüsusilə rəqabətqabiliyyətli iqtisadiyyatın təmini, müasir innovasiya sahələrinin qurulması, rəqabətqabiliyyətli insan kapitalının formalaşdırılması, təmiz ətraf mühit və “yaşıl artım” ölkəsinə çevrilmək kimi məqsədlərə çatmaq beynəlxalq maliyyə institutları ilə əməkdaşlığı zəruri edir.

Qeyd olunub ki, Avropa Komissiyası tərəfindən irəli sürülən flaqman təşəbbüslər Azərbaycanın növbəti onillikdə sosial-iqtisadi inkişafının milli prioritetləri ilə üst-üstə düşür.

İclasda işçi qrupunun qarşısında duran məsələlər müzakirə olunub, xanım Kirali tərəfindən gələcək fəaliyyətlərə dair fikirlər səsləndirilib.

Bizimlə əlaqə saxlayın

Digər İqtisadiyyat xəbərləri