Gəncədə ölümlə nəticələnən bıçaqlanma hadisəsi zamanı bir nəfər xəsarət alıb.
Bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, bu gün saat 00:40-da 2005-ci il təvəllüdlü şəxs (kişi) Gəncə Şəhər Birləşmiş Xəstəxanasının nəzdində olan Abbas Səhhət adına xəstəxananın Təcili tibbi yardım şöbəsinə hospitalizasiya olunub:
"Sağ döş qəfəsinin kəsilmiş, deşilmiş yarası, sağ boyunun və sağ biləyin deşilmiş yarası diaqnozu təyin edilən pasiyentə zəruri tibbi xidmətlər göstərilib. Vəziyyəti qənaətbəxş qiymətləndirilən pasiyent ambulator müalicə üçün evə buraxılıb".
Aygün Mirakif
Gəncədə əmisini qətlə yetirməkdə şübhəli bilinən şəxs saxlanılıb.
Oxu.Az "Teleqraf"a istinadən xəbər verir ki, polis əməkdaşları tərəfindən keçirilən tədbirlərlə Fazil Əliyevi kəsici alətlə qətlə yetirməkdə şübhəli bilinən 29 yaşlı Ramazan Əliyev saxlanılaraq istintaqa təhvil verilib.
Gəncə sakini əmisini qətlə yetirib.
Oxu.Az "Teleqraf"a istinadən xəbər verir ki, hadisə şəhərin Q.Ə.Şıxlinski küçəsində qeydə alınıb.
1997-ci il təvəllüdlü Ramazan Əliyev əmisi 1963-cü il təvəllüdlü Fazil Əliyevi qətlə yetirib. Hadisə yerinə polis və prokurorluq orqanı əməkdaşları cəlb olunublar.
İlkin məlumata görə, tərəflər arasında mülk mübahisəsi olub.
Faktla bağlı Gəncə Şəhər Prokurorluğunda araşdırma başlanılıb.
