Gəncə şəhəri, Nizami küçəsində baş verən partlayış zamanı xəsarət alan şəxsin son vəziyyəti məlum olub.
Tibbi Ərazi Bölmələrini İdarəetmə Birliyindən (TƏBİB) Oxu.Az-ın sorğusuna cavab olaraq bildirilib ki, iyulun 4-ü saat 16:00-da 1958-ci il təvəllüdlü şəxs (kişi cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub.
"Ona hər iki əlin, yuxarı və aşağı ətrafın, sifətin l və ll dərəcəli termiki yanığı diaqnozu təyin edilib. Pasiyent ixtisaslı tibbi yardımın göstərilməsi üçün Kliniki Tibbi Mərkəzin nəzdində olan Toksikologiya Mərkəzinə təxliyə olunub", - deyə məlumatda bildirilir.
Gəncədə evdə baş verən partlayışın bəzi təfərrüatı məlum olub.
Oxu.Az-ın əldə etdiyi məlumata görə, hadisə bu gün günorta saatlarında Gəncə şəhəri, Nizami küçəsində yerləşən həyət evlərinin birində baş verib. Partlayış səbəbindən ev yararsız hala düşüb.
Faktla bağlı araşdırma aparılır.
Əzizə İsmayılova
Gəncədə evdə partlayış olub.
Oxu.Az APA-ya istinadən xəbər verir ki, hadisə şəhərdəki evlərdən birində qeydə alınıb. Partlayışdan sonra yanğın olub.
Şəhər sakini 1958-ci il təvəllüdlü Ş.Musayev yanıq xəsarəti ilə xəstəxanaya yerləşdirilib. Vəziyyətinin orta ağır olduğu bildirilir.
Yanğın Fövqəladə Hallar Nazirliyinin qüvvələri tərəfindən söndürülüb.
