Qazax rayonunun Dəmirçilər kəndində yol-nəqliyyat hadisəsində xəsarət alan Mustafa Vələdovun vəziyyəti açıqlanıb.
Bu barədə Oxu.Az-ın sorğusunda Qazax Rayon Mərkəzi Xəstəxanasından məlumat verilib.
Qeyd olunub ki, yaralıya dəqiqləşməmiş kəllə-beyin travması diaqnozu təyin edilib:
"Hazırda pasiyentin müalicəsi reanimasiya şöbəsində davam etdirilir. Vəziyyəti ağır olaraq qiymətləndirilir".
Aqil Vəlili
Qazax rayonunda avtomobil hasara çırpılıb.
Oxu.Az "Report"a istinadən xəbər verir ki, hadisə Dəmirçilər kəndində qeydə alınıb.
Minik avtomobilinin idarəetmədən çıxaraq hasara çırpılması nəticəsində 2001-ci il təvəllüdlü Nicat Alıyev ölüb, 1996-cı il təvəllüdlü Mustafa Vələdov isə müxtəlif dərəcəli bədən xəsarətləri alaraq xəstəxanaya yerləşdirilib.
Faktla bağlı araşdırma aparılır.
