"Azərbaycan yığmasına qarşı keçirəcəyimiz oyun bizim üçün çətin olacaq".
Oxu.Az xəbər verir ki, bunu DÇ-2026-nın seçmə mərhələsi çərçivəsində keçiriləcək Azərbaycan və İslandiya yığma komandaları arasında oyundan əvvəl rəqib millinin vingeri Hakon Arnar Haraldsson deyib.
O bildirib ki, Azərbaycan millisi gücünü artırıb:
"Rəqib artıq gücünü artırıb. Sabah bizi çətin matç gözləyir. Düşünürəm ki, meydanda gərgin mübarizə gedəcək".
Qeyd edək ki, saat 21:00-da start götürəcək Azərbaycan - İslandiya oyunu noyabrın 13-də "Palms Sports Arena"da (8-ci km stadionu) keçiriləcək.
Murad Nəsimi
