:1200.jpg)
Azərbaycan Kubokunda 1/4 final mərhələsinin daha bir oyunu keçirilib.
Oxu.Az-ın məlumatına görə, “Sabah” “Qarabağ”ı qəbul edib.
Qarşılaşmada qonaq komanda rəqibini darmadağın edib - 7:1. Ağdam təmsilçisinin heyətində Olavio Juninyo (28, 55) və Abdullah Zubir (77, 89+3) dubla imza atıblar. Digər qolların müəllifləri Hamidu Keyta (20), Nəriman Axundzadə (45+5) və Adama Diakabi (87) olublar. Bakılıların təsəlli qolunu 63-cü dəqiqədə Cesse Sekidika vurub.
Komandalar arasında cavab matçı fevralın 8-də keçiriləcək.
Qeyd edək ki, bu gün keçirilən mərhələnin ilk oyununda “Zirə” səfərdə “Səbail”ə 2:1 hesabı ilə qalib gəlib. Digər iki qarşılaşma yanvarın 31-də baş tutacaq.
Azərbaycan Kuboku: “Qarabağ” “Sabah”ı darmadağın edib - YENİLƏNİB + VİDEO
17:12
Futbol üzrə Azərbaycan Kubokunda 1/4 final mərhələsinə start verilib.
“Report”un məlumatına görə, günün ilk matçında “Səbail” “Zirə”ni qəbul edib.
Qarşılaşma qonaqların qələbəsi ilə bitib - 2:1. 48-ci dəqiqədə meydan sahiblərinin heyətində Anas Najah avtoqol müəllifi olub. 59-cu dəqiqədə “qartallar”ın müdafiəçisi Ruan Renato fərqi iki topa çatdırıb.
70-ci dəqiqədə “dənizçilər”in heyətində Aleksandr Ramalinqom cərimə zərbəsindən fərqlənməklə baxımlı qola imza atıb.
Cavab qarşılaşması fevralın 8-də Zirədə reallaşacaq.
Qeyd edək ki, günün digər görüşündə “Qarabağ” “Sabah”ın qonağı olacaq. 1/4 final mərhələsinin digər iki oyunu yanvarın 31-də gerçəkləşəcək.
10:04
Futbol üzrə Azərbaycan Kubokunda 1/4 final mərhələsinə bu gün star veriləcək.
“Report”un məlumatına görə, ilk olaraq iki qarşılaşma keçiriləcək.
Günün ilk matçında “Səbail” və “Zirə” komandaları üz-üzə gələcəklər. Paytaxt təmsilçiləri indiyədək ölkə kubokunda 6 dəfə görüşüblər. Bunların 5-də “qartallar” qələbə qazanıbsa, 1 qarşılaşmada heç-heçə qeydə alınıb. Topların nisbətində də “Zirə”nin aşkar üstünlüyü var - 12:3.
İkinci oyunda “Qarabağ” “Sabah”ın qonağı olacaq. Tərəflər bu vaxtadək bu turnirdə qarşılaşmayıblar.
Bu cütlərdə cavab matçları fevralın 8-də reallaşacaq.
Azərbaycan Kuboku
1/4 final, ilk oyunlar
15:00. “Səbail” - “Zirə”
Hakimlər: İnqilab Məmmədov, Rahil Ramazanov, Rəhman İmami, Kamran Əliyev.
Hakim-inspektor: Rövşən Əhmədov.
AFFA nümayəndəsi: Nəriman Axundov.
“ASCO Arena”
19:00. “Sabah” - “Qarabağ”
Hakimlər: Elçin Məsiyev, Elşad Abdullayev, Pərvin Talıbov, Nicat İsmayıllı.
Hakim-inspektor: Asim Xudiyev.
AFFA nümayəndəsi: Seymur Səlimli.
“Bank Respublika Arena”
Qeyd edək ki, 1/4 final mərhələsinin digər ilk oyunu yanvarın 31-də gerçəkləşəcək.
