Futbol üzrə Azərbaycan II Liqasının pley-off mərhələsində keçirilən "Biləsuvar" - "Ağstafa Gəncləri" qarşılaşmasından sonra gərgin anlar yaşanıb.
Oxu.Az xəbər verir ki, Yevlax şəhər stadionunda baş tutan oyunda "Biləsuvar" komandası 0:3 hesabı ilə məğlub olub. Qarşılaşmanın ardından bəzi azarkeşlər futbolçulara etiraz edərək onların ünvanına sərt ifadələr səsləndiriblər.
Bundan sonra oyunçularla azarkeşlər arasında mübahisə yaranıb. Futbolçular tribunaya yaxınlaşarkən vəziyyət qısa müddət ərzində gərginləşib.
Əraziyə nəzarət edən polis əməkdaşlarının və digər şəxslərin müdaxiləsi nəticəsində insident böyümədən aradan qaldırılıb.
Qaynar xətt:
(055) 224 12 12
