İngiltərə çempionatının VII turunda keçirilən "Everton" - "Çelsi" qarşılaşmasında London təmsilçisinin qapıçısı Emiliano Martines başından zədə alıb.
Oxu.Az xəbər verir ki, hadisə ikinci hissənin ortalarında qeydə alınıb.
"Everton"un futbolçusu ilə top uğrunda mübarizə aparan Martines toqquşma nəticəsində zədələnib. Hadisədən sonra tibb işçiləri meydana daxil olaraq argentinalı qapıçıya ilk yardım göstəriblər və ona oksigen maskası taxıblar.
Müstəqil şəkildə meydanı tərk edə bilməyən qolkiper xərəklə kənara çıxarılıb. Onu qapıda belçikalı həmkarı Mayk Penders əvəzləyib.
Avqustun 30-da "Çelsi"yə transfer olunan 34 yaşlı qapıçı bundan əvvəl "Aston Villa"nın şərəfini qoruyub.
Qeyd edək ki, səfərdə keçirilən qarşılaşmada "Çelsi" "Everton"u 2:0 hesabı ilə məğlub edib.
