Dünya çempionatında iştirak edəcək şahmatçılarımızın reytinq sıralaması  bəlli olub

Azərbaycan şahmatçıları dekabrın 26-31-də Nyu-Yorkda (ABŞ) keçiriləcək sürətli və blits üzrə dünya çempionatında iştirak edəcəklər.

Oxu.Az xəbər verir ki, yarışda ölkəmizin ən reytinqli təmsilçisi Şəhriyar Məmmədyarov olacaq. O, rapid üzrə 13-cü, blits üzrə isə 22-ci yerdədir. Kişilərin yarışında 186 şahmatçı çıxış edəcək.

Qadınlar arasında isə ən yüksək göstərici rapid üzrə 113 iştirakçı arasında 39-cu, 108 şahmatçının iştirak edəcəyi blitsdə isə 15-ci yerdə olan Günay Məmmədzadədir.

Ümumilikdə kişilər arasında həm rapid, həm də blits üzrə Maqnus Karlsen (Norveç), qadınlar arasında isə Ju Venjun, Tingjye Ley (hər ikisi Çin) liderdirlər.