Gürcüstan Prezidenti Salome Zurabişvili milli komandanın oyunçularını, komandanın məşqçilər korpusunu və futbol federasiyasının nümayəndələrini 2024-cü il Avropa çempionatının 1/8 final mərhələsinə yüksəldiklərinə görə "Şərəf" ordeni ilə təltif edib.
Məlumata görə, mükafatlandırma mərasimi Azadlıq meydanında quraşdırılmış səhnədə baş tutub. Milli komandanın futbolçuları meydana gedərkən üstüaçıq avtobusa minərək minlərlə azarkeşi salamlayıblar.
Gürcüstan komandası qrup mərhələsində Portuqaliya (6 xal), Türkiyə (6 xal) və Çexiya (1 xal) ilə F qrupunda üçüncü yeri (4 xal) tutub. 1/8 finalda isə gürcülər İspaniyaya 1:4 hesabı ilə uduzublar.
Qeyd edək ki, Gürcüstan tarixində ilk dəfə olaraq Avropa çempionatında çıxış edib.
Mənbə: Championat.com
Rəylər