"Xalların bölündüyü "Sabah" və "Qarabağ" klubların arasında baş tutan gərgin qarşılaşma Azərbaycan futbolunun parlaq nümayişi oldu".
Oxu.Az xəbər verir ki, bu fikirləri FIFA prezidenti Canni İnfantino sosial şəbəkə hesabında yazıb.
O, Misli Premyer Liqasının IX turunda baş tutan qarşılaşmanı Azərbaycanın iqtisadiyyat naziri Mikayıl Cabbarov, AFFA prezidenti Rövşən Nəcəf, FIFA Şurasının üzvü və Cibuti Futbol Assosiasiyasının prezidenti Süleyman Hassan Vaberi, FIFA Şurasının üzvləri Yohanna Vud və Rodolfo Vilyalobos, həmçinin "Sabah" FK-nın prezidenti Məqsəd Adıgözəlov və digər qonaqlarla birlikdə izləməkdən məmnunluğunu ifadə edib:
"Futbolun insanları necə bir araya gətirdiyini və sevinc bəxş etdiyini sübut edən, belə gözəl bir ab-hava yaratdıqları üçün hər iki kluba və bütün azarkeşlərə təşəkkür edirəm".
Qeyd edək ki, qarşılaşma qolsuz heç-heçə ilə başa çatıb.
