Çempionlar Liqası: "Mançester Siti" - "Real Madrid" oyununda 5 qol vuruldu

UEFA Çempionlar Liqasının pley-off mərhələsinin ilk qarşılaşmalarının mərkəzi oyunu kimi İngiltərənin "Mançester Siti" klubu ilə İspaniyanın "Real Madrid" komandası göstərilirdi.

Oxu.Az xəbər verir ki, gərgin keçən oyunda ilk qolu 19-cu dəqiqədə Erlinq Haalandın dəqiq zərbəsi ilə ev sahibləri vurublar. 60-cı dəqiqədə Kilian Mbappe hesaba tarazlıq gətirsə də, 80-ci dəqiqədə Haalandın dublu ilə "şəhərlilər" yenə önə çıxıblar. 86-cı dəqiqədə Brahim Dias oyunda tarazlığı bərpa edib.

90+2-ci dəqiqədə isə Cud Bellinqem kral klubuna qələbə gətirən qolu vurub - 2:3.

Qeyd edək ki, bu cütün cavab matçı fevralın 19-da keçiriləcək.

Çempionlar Liqası: "Mançester Siti" - "Real Madrid" oyununda 5 qol vuruldu

00:00

Bu gün UEFA Çempionlar Liqasının pley-off mərhələsində İngiltərənin "Mançester Siti" klubu İspaniyanın "Real Madrid" komandası ilə qarşılaşır.

Oxu.Az xəbər verir ki, fransalı hakim Klement Turpinin idarə etdiyi oyun başlayıb.

11 fevral, 17:48

Bu gün UEFA Çempionlar Liqasının pley-off mərhələsində İngiltərənin "Mançester Siti" klubu İspaniyanın "Real Madrid" komandası ilə qarşılaşacaq.

Bakı vaxtı ilə 00:00-da start götürəcək oyunu Oxu.Az portalından canlı olaraq izləyə bilərsiniz.