Mikel Arteta adını "Arsenal"ın tarixinə yazdırıb

İspaniyalı mütəxəssis Mikel Arteta İngiltərənin "Arsenal" klubunun tarixinə düşüb.

Oxu.Az xəbər verir ki, bu, "topçular"ın Premyer Liqanın XIV turunun oyununda evdə "Mançester Yunayted"i məğlub etməsi (2:0) sayəsində mümkün olub.

O, Premyer Liqada "qırmızı şeytanlar"a ardıcıl dörd matçda qalib gələn londonluların ilk baş məşqçisidir.

Bundan əlavə, Arteta çempionatda "Mançester Yunayted"ə qarşı beş və ya daha çox oyun keçirən mütəxəssislər arasında ən yüksək qələbə faizinə (70 faiz) sahibdir. Baş məşqçi bu rəqiblə 10 duelin 7-dən qələbə ilə ayrılıb.

Qeyd edək ki, "Arsenal" 14 oyundan sonra Premyer Liqada 28 xalla üçüncü, "Mançester Yunayted" 19 xalla 11-ci pillədə qərarlaşıb.